У ведамстве лічаць, што перайменаваньне хваробы прымусіць людзей менш вінаваціць у выпадках заражэньня менавіта малпаў: пасьля глябальнага пашырэньня захворваньня сёлета былі выпадкі, калі здаровых малпаў у заапарках і прыватных гадавальніках масава зьнішчалі, баючыся заразіцца.
Малпавую воспу выклікае вірус — сваяк натуральнай воспы, але хвароба пераносіцца лягчэй. Вірус звычайна пераходзіць да чалавека ад жывёл, у якасьці першых пераносчыкаў былі адзначаныя малпы, аднак лекары падкрэсьліваюць, што асноўныя распаўсюднікі — грызуны або кантакт зь іх фэкаліямі. Магчымая і перадача віруса ад чалавека да чалавека.
Сымптомы хваробы — ліхаманка і высыпаньні на скуры. Хвароба можа працякаць цяжка, да акрыяньня можа праходзіць больш за месяц. Сьмяротныя выпадкі рэдкія; паміраюць у асноўным людзі са слабым імунітэтам.
