Былая вядоўца тэлеканалу «Белсат» Аліна Коўшык увайшла ў кабінэт Ціханоўскай

Аб прызначэньні Аліны Коўшык на новую пасаду паведамілі ў Аб’яднаным пераходным кабінэце.

Хто такая Аліна Коўшык

Аліна Коўшык нарадзілася ў Горадні. Скончыла гістарычны факультэт ГрДУ імя Янкі Купалы, магістратуру Варшаўскага ўнівэрсытэту па паліталёгіі і гісторыі.

Аліна Коўшык — беларуская журналістка і тэлевядоўца, апошнія 15 гадоў працавала на «Белсаце». Яна зьяўляецца сузаснавальніцай Цэнтру беларускай салідарнасьці ў Варшаве і ІнБелКульт 2.0.

«Сярод яе стратэгічных задач — наладжваньне працы зь міжнароднымі партнэрамі, амбасадамі, міжнароднымі культурніцкімі арганізацыямі для павелічэньня падтрымкі беларускай культуры, адукацыі, гісторыі. Таксама Аліна зоймецца стварэньнем працоўных камісій у адраджэньні беларускай мовы, гістарычнай памяці ды помнікаў, геральдыцы», — паведамляецца ў кабінэце.

ГЛЯДЗІЦЕ ТАКСАМА:

У Варшаве заснавалі беларускую творчую пляцоўку «ІнБелКульт 2.0»

Чым будзе займацца Аліна Коўшык

• Ствараць стратэгію нацыянальнага адраджэньня Беларусі;
• Папулярызаваць веды па гісторыі, культуры і мове;
• Рыхтаваць рэформы ў галіне культуры, адукацыі, СМІ;
• Каардынаваць працу інстытутаў і ініцыятываў у пытаньнях адукацыі, гісторыі і культуры;
• Спрыяць супрацьдзеяньню інфармацыйнай агрэсіі.

ГЛЯДЗІЦЕ ТАКСАМА:

Беларуская мільянэрка з Эстоніі стала прадстаўніцай Аб’яднанага Пераходнага Кабінэта па фінансах і эканоміцы