Сілавікі прымусілі яго несьці з сабою дзьверы ад лядоўні, бо на іх былі пратэставыя стыкеры і анархісцкія лёзунгі. На галаве ў Віктара была чырвоная каска з Пагоняй, рукі ягоныя закавалі ў кайданкі. Жаркевіча абвінавацілі ў крытычных выказваньнях у інтэрнэце.
Паводле аб'яднаньня былых беларускіх сілавікоў ByPol, музыку Віктара Жаркевіча затрымлівалі байцы Ўнутраных войскаў Арцемій Паўлічэнка і Кірыл Барысік.
7 верасьня стала вядома, што Жаркевічу прысудзілі 13 дзён адміністрацыйнага арышту, паведаміў тэлеграм-канал «АЧК-Беларусь».
