Лінкі ўнівэрсальнага доступу

Прэс-сакратара «А1» Мікалая Брэдзелева будуць судзіць у канцы жніўня


Мікалай Брэдзелеў
Мікалай Брэдзелеў

35-гадовага кіраўніка ўпраўленьня сувязяў з грамадзкасьцю кампаніі «A1» Мікалая Брэдзелева затрымалі 10 сьнежня летась. Вядома, што сілавікі яго зьбівалі. Адразу Мікалая асудзілі на 15 сутак, а пазьней перавялі на Валадарку, паведамляе праваабарончы цэнтар «Вясна».

Пасьля затрыманьня на праўладных каналах зьявілася «пакаяльнае відэа» зь Мікалаем. Тады паведамлялася, што ён нібыта «зьліваў» нейкую інфармацыю Антону Матольку.

Суд над палітвязьнем пачнецца ў Менгарсудзе 29 жніўня. Яму інкрымінуюць ч. 2 арт. 424 КК (Злоўжываньне ўладай ці службовымі паўнамоцтвамі) і арт. 361-2 КК (Фінансаваньне дзейнасьці экстрэмісцкага фармаваньня).

Вядома, што судзіць яго будуць за «фінансаваньне экстрэмісцкага фармаваньня» паводле зьмененага артыкулу. У рэдакцыі ад 26 траўня 2021 году гэтая фармулёўка адсутнічае. Цяпер — «фінансаваньне экстрэмісцкай дзейнасьці або дзейнасьці, накіраванай на рэабілітацыю нацызму».

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG