Лінкі ўнівэрсальнага доступу

Мінінфарм заблякаваў сайт беларускага незалежнага часопісу ARCHE


Пра блякаваньне сайту arche.by на падставе рашэньня Міністэрства інфармацыі Беларусі паведаміў у Фэйсбуку галоўны рэдактар часопіса ARCHE Валер Булгакаў.

«Arche.by далучыўся да немалой ужо кампаніі заблякаваных Міністэрствам інфармацыі сайтаў. Пятля сьціскаецца. Дабілі/выпхнулі за мяжу буйных, узяліся дабіваць дробных і паўжывых», — так Валер Булгакаў пракамэнтаваў рашэньне Міністэрства інфармацыі аб блякаваньні сайту.

Паводле Булгакава, прычына блякаваньня сайту — «перапост экстрэмісцкіх матэрыялаў».

Сайт па-ранейшаму даступны з-за мяжы або праз VPN.

«ARCHE» — беларускі незалежны навукова-папулярны часопіс. Выданьне знаёміць зь гісторыяў гарадоў, людзей і важных падзеяў. Піша аб нацыянальнай ідэнтычнасьці, гісторыі ды памяці пра Другую сусьветную вайну, часах сталінскіх рэпрэсіяў.

У красавіку 2021 году «Белпошта» адмовілася распаўсюджваць недзяржаўныя часопісы ARCHE, «Наша гісторыя», «Асьцярожна: дзеці!» і «Дуду». У 2020-ым годзе часопіс ARCHE забаранілі прадаваць праз кіёскі «Белсаюздруку».

Пасьля выбараў 2020 году ў Беларусі заблякавалі сайты дзясяткаў беларускіх незалежных мэдыя, большасьць зь іх прызналі «экстрэмісцкімі». Беларусаў рэгулярна затрымліваюць і судзяць за «распаўсюд экстрэмісцкіх матэрыялаў» за перапосты інфармацыі са СМІ, прызнаных «экстрэмісцкімі».

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG