Паводле выданьня, прэтэнзіі сілавікоў у тым, што кампанія нібыта завышала цэны пры пастаўках. Жонку заснавальніка выпусьцілі шукаць грошы на выкуп. «Наша Ніва» адзначае, што сумы за выкуп топ-мэнэджэраў пачынаюцца са $100 тысяч і вышэй.
«Гэта ўжо ня першая гісторыя дзяржаўнага рэкету з пачатку году, — піша „Наша Ніва“. — Так, фігурантам „справы траўматолягаў“ лукашэнкаўцы заламілі 10-кратныя мультыплікатары „нанесенай шкоды“. У выніку, каб выйсьці, людзям даводзілася прадаваць сваю нерухомасьць. Некаторыя сядзяць дагэтуль, бо ня маюць сродкаў на выкуп».
