Лінкі ўнівэрсальнага доступу

Блінкен: Пуцін не дасягнуў сваёй стратэгічнай мэты ва Ўкраіне


Дзяржаўны сакратар ЗША Энтані Блінкен
Дзяржаўны сакратар ЗША Энтані Блінкен

Кіраўнік Дзяржаўнага дэпартамэнту ЗША пракамэнтаваў расейскую агрэсію супраць Украіны і ўклад NATO ў справу дапамогі Кіеву

У нядзелю, у інтэрвію на канале CNN, дзяржаўны сакратар ЗША Энтані Блінкен заявіў, што стратэгічная мэта прэзыдэнта Расеі Ўладзіміра Пуціна — «пакласці канец сувэрэнітэту і незалежнасьці Ўкраіны, сьцерці яе з карты, уключыць у склад Расеі» — не была дасягнутая, нават на фоне пэўных тактычных посьпехаў у захопе тэрыторый.

«Гэта (Пуціну) не ўдалося, і сувэрэнная, незалежная Ўкраіна будзе існаваць значна даўжэй, чым Уладзімір Пуцін на палітычнай арэне, — заявіў кіраўнік зьнешнепалітычнага ведамства. — Тым часам на ўсходзе Ўкраіны ідзе тактычная, жорсткая бітва з расейскай агрэсіяй, украінскія сілы адступаюць, і гэтая лінія ссунулася. Ёсьць посьпехі ў адным кірунку, ёсьць посьпехі ў іншым кірунку, але сапраўды важным ёсьць тое, што са стратэгічнага гледзішча Пуцін не атрымае посьпеху ў тым, чаго ён імкнуўся дасягнуць (ва Ўкраіне)».

Блінкен таксама адзначыў, што не ўвянчаліся посьпехам і спробы Пуціна раскалоць NATO.

«Мы зьбіраемся на саміт NATO, дзе альянс прадэманструе большую еднасьць, большую сілу, чым калі-небудзь на маёй памяці, — падкрэсьліў дзяржсакратар. — У самой Украіне, тут, на гэтай сустрэчы „Вялікай сямёркі“, а таксама ў NATO, мы будзем працягваць калектыўна рабіць усё магчымае, каб пераканацца, што ва ўкраінцаў ёсьць усё неабходнае для адбіцьця расейскай агрэсіі».

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG