Пра гэта паведаміў Тэлеграм-канал расейскага праекту Roskomsvoboda.
Рашэньне прынята на патрабаваньне Генпракуратуры, якая, як гаворыцца ў паведамленьні, «працягвае ўносіць у рэестар заблякаваных сайты, якія публікуюць навіны і артыкулы» пра вайну ва Ўкраіне. У тым ліку з усімі дамэнамі і паддамэнамі заблякаваныя сайты Clutch, SvobodaUA, 7news і іншыя. Таксама абмежаваны доступ да люстэрка «Хартыі 97».
«Роскомнадзор» пасьля пачатку вайны ва Ўкраіне, паводле зьвестак праваабаронцаў, заблякаваў больш за 3000 сайтаў, у тым ліку сацсеткі і старонкі публічных фігур, якія выступаюць супраць вайны.
