Сілавікі затрымалі 37-гадовага Валера Ільючыка, які звольніўся з памежнай службы пасьля падзей 2020-га
Пра гэта паведамляе «Наша ніва».
Згодна з інфармацыяй у канале ГУБАЗіКу, Ільючык зьвяртаўся па дапамогу ў фонд BySol. Аднак канкрэтныя абвінавачаньні, выстаўленыя мужчыну, як і прычыны ягонага затрыманьня, на гэты момант невядомыя.
Дырэктару газэты «Белорусы и рынок» Канстанціну Залатых выставілі абвінавачаньне
Яму інкрымінуюць арт. 130 ч. 2 (распальваньне варажнечы, спалучанае з гвалтам альбо зьдзейсьненае службовай асобай). Пра гэта паведамляе БАЖ.
Па гэтым артыкуле Канстанціну пагражае да 5 гадоў пазбаўленьня волі. Яго пакідаюць у СІЗА.
Канстанціна Залатых затрымалі 18 траўня ў Менску, у яго дома і ў рэдакцыі выданьня прайшлі вобшукі. Пасьля гэтага рэдакцыю апячаталі.
Сілавікі правялі ператрус у менскім доме Валера і Веранікі Цапкалаў
Пра гэта паведамляе тэлеграм-канал «Нік і Майк».
Адзначаецца, што пры ператрусе сілавікі выбілі шыбы, панішчылі мэблю, посуд, перарэзалі трубы. Гаворка ідзе пра катэдж у Цяплічным завулку, недалёка ад Нацыянальнай бібліятэкі. Пра гэты дом шмат пісалі ў пэрыяд перадвыбарнай кампаніі.
Сам Цапкала казаў, што прадаў гэты дом, каб фінансаваць сваю выбарчую прэзыдэнцкую кампанію 2020 года.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў