Пра гэта паведамляе DW.
Кіраўнік Каталіцкай царквы прыедзе ў Казахстан на VII Кангрэс сусьветных рэлігіяў, які пройдзе ў Нур-Султане ў верасьні 2022 году. Папа Францішак упершыню выказаў жаданьне наведаць Рэспубліку Казахстан у красавіку 2022 году падчас відэаканфэрэнцыі з прэзыдэнтам краіны Касымам-Жамартам Такаевым.
Дэталі візыту былі ўзгодненыя сакратаром Папскага пасаду Полам Рычардам Галахерам і міністрам замежных спраў Казахстану Мухтарам Тлеуберды, які 30–31 траўня наведаў Ватыкан. Падчас далейшых перамоваў паміж Сьвятым Пасадам і Казахстанам плянуецца заключыць новыя пагадненьні аб візах і відах на жыхарства для каталікоў.
Казахстан стаў першай дзяржавай Цэнтральнай Азіі, якая падпісала пагадненьне аб узаемаадносінах з Ватыканам. У 2001 годзе краіну наведаў Папа Рымскі Ян Павал ІІ.