Пра гэта паведамляе Офіс генэральнага пракурора Ўкраіны са спасылкай на СБУ і Закарпацкую спэцыялізаваную пракуратуру. Паводле іх інфармацыі, «пракуроры ў судзе даказалі, што грамадзянін прадстаўляў інфармацыю аб разьмяшчэньні вайсковых аб'ектаў ВСУ ў Харкаве, у выніку чаго яны былі абстраляныя артснарадамі».
Паводле сьледзтва, абвінавачаны пачаў супрацоўніцтва з расейцамі з запісу відэазвароту, у якім апраўдваў ваеннае ўварваньне РФ. Пасьля гэтае відэа выкарыстаў у навінах прапагандысцкі тэлеканал «Russia Today».
Затрымалі мужчыну ў горадзе Ужгарад, куды ён пераехаў для далейшага выкананьня «загадаў расейскага куратара і збору дадзеных аб абʼектах крытычнай інфраструктуры».
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў