Лінкі ўнівэрсальнага доступу

Абвясьцілі пра мабілізацыйныя вучэньні ў Гомельскай вобласьці


Беларускія вайскоўцы на вучэньнях, архіўнае фота
Беларускія вайскоўцы на вучэньнях, архіўнае фота

Тэлеграм-канал «Флагшток» са спасылкай на газэту Добрускага райвыканкаму паведаміў аб мабілізацыйных вучэньнях з ваенкаматамі і арганізацыямі Ўзброеных сілаў, якія знаходзяцца ў Гомельскай вобласьці.

Вучэньні пройдуць з 22 чэрвеня да 1 ліпеня. У гэты час будзе абмежаваны рух па некаторых вуліцах і тэрыторыях, што прылягаюць да вайсковых аб’ектаў, а на стрэльбішчах пройдуць мерапрыемствы агнявой падрыхтоўкі.

У прыватнасьці, у Добрускім раёне ў ваенкамаце, грамадзка-культурным цэнтры, раённым цэнтры дадатковай адукацыі, вытворчым участку аўтапарку № 6 будзе прапускны рэжым і патруляваньне ўзброенымі супрацоўнікамі.

Практыкаваньні ў стральбе пройдуць у раёне вёскі Жгунская Буда. У Гомлі такія практыкаваньні правядуць у ахоўнай зоне на тэрыторыі Гомельскага хімзаводу.

Раней «Флагшток» паведамляў аб тым, што ўсе раённыя ваенкаматы закупляюць паслугі па арганізацыі трохразовага харчаваньня асабовага складу на працягу 10 дзён.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG