«Усё. Не адвакат. Калегі прынялі рашэньне выключыць мяне са сваіх шэрагаў. Скажу словамі Нэльсана Мандэлы: «Быць свабодным значыць ня проста скінуць зь сябе кайданы, але жыць, паважаючы і прымнажаючы свабоду іншых», — напісала Марыя Колесава-Гудзіліна ў твітэры.
Марыя Колесава-Гудзіліна — вядомая ў Беларусі адвакатка, яна абараняла ў тым ліку блогера Эдуарда Пальчыса, сьледчага Яўгена Юшкевіча, мадэратара сацыяльных сетак «Страны для жизни» Дзьмітрыя Папова.
Каля 50 адвакатаў з жніўня 2020 году ў Беларусі пазбавіліся ліцэнзіі «з прычыны дэструктыўнай пазыцыі», сказаў у эфіры «Беларусь-1» 21 красавіка міністар юстыцыі Беларусі Сяргей Хаменка.
Лукашэнка 21 красавіка, прымаючы з дакладам кіраўніка міністэрства, заявіў, што адвакат «павінен быць дзяржаўным чалавекам, а яго дзеяньні павінны быць заснаваныя на нормах закону, а ня нейкіх прыдуманых нормах — свабоды слова і іншых свабодаў».
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў