Дарадца марыюпальскага мэра Пятро Андрушчанка заявіў аб стварэньні непадалёк ад расейскага гораду Ўладзівасток лягера для 300 прымусова вывезеных з Марыюпалю грамадзян Украіны.
«Людзей пасялілі ў сяле Ўрангеля ў нечым сярэднім між гатэлем і інтэрнатам. Грошай не выдаюць, таму магчымасьці выйсьці на сувязь банальна няма. Рэчамі не забясьпечваюць. Кормяць тры разы, пра якасьць размовы няма», — напісаў Пятро Андрушчанка ў сваім тэлеграм-канале.
Пятро Андрушчанка таксама апублікаваў спадарожнікавы фатаздымак зь меркаваным лягерам для ўкраінцаў.
Паводле яго, у грамадзян няма дакумэнтаў, ідзе працэдура афармленьня.
«Абяцаюць праз два тыдні закончыць бюракратычныя працэдуры і правесьці далейшае перасяленьне ў іншыя месцы. Наконт працы — выключна з прапанаванага. Нізкакваліфікаваная і нізкааплатная праца. Фармальна расейцы гавораць пра магчымасьць потым у любы час адмовіцца ад статусу „ўкрыцьцё ад вайны“, але даверу няма. Фактычна нашых людзей зь цёплага Прыазоўя вывезьлі за 9,6 тысячы кілямэтраў, дзе самы цёплы месяц жнівень з тэмпэратурай +21. Навошта? Няма слоў», — дадаў дарадца марыюпальскага мэра Пятро Андрушчанка.
Марыюпаль: да і пасьля ўварваньня Расеі ва Ўкраіну. ФОТА
1/18Цэнтральны вакзал Марыюпалю, сфатаграфаваны ў 2013 годзе.
Фота тых самых месцаў у Марыюпалі да і падчас расейскага ўварваньня ва Ўкраіну.
Гэтая спасылка працуе нават там, дзе наш сайт заблякаваны
Паказаць яшчэПаказаць менш
4/18Марыюпальскі тэатар у красавіку 2022 году пасьля двух расейскіх бамбаваньняў, якія разбурылі гістарычны будынак. У будынку загінулі людзі, якія хаваліся ўнутры.
Фота тых самых месцаў у Марыюпалі да і падчас расейскага ўварваньня ва Ўкраіну.
