Лінкі ўнівэрсальнага доступу

Тры гады калёніі за камэнтар пад відэа зь Зельцарам


 Андрэй Зэльцар, кадр зь відэазапісу
Андрэй Зэльцар, кадр зь відэазапісу

Палітвязьню Ўладзіміру Агіевічу прысудзілі тры гады калёніі за камэнтар пад відэазапісам перастрэлкі сілавікоў і IT-спэцыяліста Зельцара

Берасьцейскі суд прысудзіў палітвязьню Ўладзіміра Агіевіча тры гады калёніі агульнага рэжыму паводле арт. 130 КК (распальваньне варожасьці), паведамляе праваабарончы цэнтар «Вясна».

Судзьдзя Святлана Крамянёўская ўгледзела распальваньне варожасьці ў камэнтары «Хороший кагэбэшник — мёртый кагэбэшник», які Агіевіч пакінуў 29 верасьня 2021 года ў суполцы «Онлайн Брест» пад відэазапісам перастрэлкі, у якой былі забіты супрацоўнік КДБ Дзьмітры Федасюк і IT-спэцыяліст Андрэй Зельцар, у кватэру якога ўварваліся сілавікі.


У судзе Агіевіч прызнаў, што напісаў гэты камэнтар, але заявіў, што ў яго не было матыву, які яму прыпісаў бок абвінавачаньня. Паводле палітвязьня, ён быў перакананы, што відэаролік пастановачны, і пакінуў камэнтар, проста перафразаваўшы назву кінастужкі «Добры коп — мёртвы коп».

Адвакат Агіевіча адзначыў: судовая псыхоляга-лінгвістычная экспэртыза прыйшла да высновы, што камэнтар нэгатыўны. Разам з тым экспэрты не ўказалі, што ён абразьлівы або гераізуе Зельцара, які застрэліў супрацоўніка КДБ, што магло б трактавацца як «распальваньне варожасьці».

Судзьдзю гэтыя довады не пераканалі і яна вынесла прысуд, які запатрабаваў дзяржабвінаваўца.

  • Агіевіча затрымалі летась 29 верасьня — праз тры гадзіны пасьля таго, як ён напісаў камэнтар, за які яго пазбавілі волі. Да суду ён быў пад вартай.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG