Фонд імя Роберта Боша, адзін з найбуйнейшых у Нямеччыне, быў створаны ў 1984 годзе; яго асноўная мэта — прыцягненьне маладых адмыслоўцаў, у асноўным з ЗША, для наступнага іх працаўладкаваньня ў нямецкіх урадавых і грамадзкіх арганізацыях.
Пры гэтым Шульман падкрэсьліла, што ейны адʼезд «не бестэрміновае мерапрыемства» і яна ня лічыць сябе эмігранткай.
Кандыдат палітычных навук Кацярына Шульман да апошняга часу зьяўлялася дацэнтам Маскоўскай вышэйшай школы сацыяльных і эканамічных навук (неафіцыйная назва — «Шанінка»), а таксама выкладала на катэдры дзяржаўнага кіраваньня і публічнай палітыкі Інстытуту грамадзкіх навук.
Са сьнежня 2018 году па кастрычнік 2019 году Шульман уваходзіла ў склад Савету правоў чалавека пры прэзыдэнце Расеі. Аж да закрыцьця радыёстанцыі «Эхо Москвы» вяла аўтарскую праграму «Статус», пасьля чаго цалкам пераключылася на свой youtube-канал, на які падпісаны больш за 900 тысяч чалавек.
У канцы лютага Шульман выступіла супраць вайсковага ўварваньня расейскіх войскаў на тэрыторыю Ўкраіны. Першага красавіка стала вядома, што МУС запрасіла дакумэнты аб працы Шульман у «Шанінцы».
