Афіцыйная заява ў сувязі з гэтым будзе зробленая да канца тыдня, паведаміла ў сераду, 6 красавіка, кіраўніца брытанскага МЗС Ліз Трас падчас візыту ў Польшчу.
Пра гэта піша DW.
Паводле Трас, рэжыму ў Маскве больш недаступныя «звыш 60% валютных рэзэрваў у памеры 604 мільярдаў даляраў». Трас падкрэсьліла, што «скаардынаваныя санкцыі адкідаюць расейскую эканоміку ў савецкую эру». «Але мы можам і павінны зрабіць больш», — заявіла яна, заклікаўшы забараніць расейскім караблям заходзіць у заходнія парты і «ўзгадніць дакладны графік спыненьня імпарту расейскай нафты, вугалю і газу».
Акрамя таго, кіраўніца МЗС Вялікай Брытаніі заклікала партнэраў па NATO і «вялікай сямёрцы» ўвесьці абмежаваньні ў адносінах да галінаў прамысловасьці, якія папаўняюць ваенную казну прэзыдэнта РФ Уладзіміра Пуціна. У сувязі з гэтым яна згадала золатаздабычу.
