Такое рашэньне прыняў суд Цэнтральнага раёну Менску па выніках праверкі ГУБАЗіК МУС.
«Сёньня большасьць незалежных беларускіх медыяў прызнаныя экстрэмісцкім, — піша тэлеграм-канал DW Беларусь. — Сярод іх — Zerkalo. io, Euroradio, Радыё Свабода, Наша Нiва. Мы працягнем працаваць для вас у ранейшым рэжыме: паведамляць навіны, расказваць гісторыі, здымаць відэа і дзяліцца аналітыкай».
DW нагадвае, што сайт заблякаваны ў Беларусі з кастрычніка 2021 года. «Працягваць чытаць нас можна з VPN ці па спасылцы. За захоўваньне або распаўсюджваньне „экстрэмісцкіх матэрыялаў“ беларускія ўлады могуць падвергнуць штрафу або арышту (максымум — 15 сутак). Падпіска ў Telegram распаўсюджваньнем не зьяўляецца».
- Тым часам, нягледзячы на адсутнасьць адміністрацыйнай ці крымінальнай адказнасьці за падпіску на тэлеграм-каналы, прызнаныя экстрэмісцкімі, рэгулярна адбываюцца затрыманьні людзей за падпіску на такія рэсурсы. Гэтак жа, як адбываюцца затрыманьні за выкарыстаньне бел-чырвона-белай сымболікі, якая фармальна не забароненая ў Беларусі. У «пакаяльных відэа» іх прымушаюць прызнавацца і раскайвацца ў падпісцы на няўгодныя ўладзе тэлеграм-каналы.
