Пра гэта паведамляе часопіс Variety са спасылкай на заяву кампаніі.
Раней на гэтым тыдні сэрвіс абвясьціў, што спыняе ўсе будучыя праекты і закупы прадукцыі ў Расеі, далучаючыся да ўсё даўжэйшага сьпісу кампаніяў, якія разарвалі сувязі з краінай.
Netflix працаваў над чатырма арыгінальнымі расейскімі праектамі, у тым ліку над сэрыялам беларускай рэжысэркі Дашы Жук, крымінальнага трылеру, здымкі якога былі адкладзеныя. Netflix таксама нядаўна адмовіўся трансьляваць 20 расейскіх бясплатных прапагандысцкіх тэлеканалаў, якія мусіў разьмяшчаць на сваіх плятформах у адпаведнасьці з расейскім заканадаўствам.
Цяпер кампанія робіць дадатковы крок і поўнасьцю спыняе свае службы.
«Улічваючы абставіны на месцы, мы вырашылі прыпыніць наш сэрвіс у Расеі», — сказаў прадстаўнік кампаніі Netflix.