Раніцай у пятніцу каля 4:22 у Кіеве прагучала некалькі выбухаў у розных раёнах Кіева
У прыватнасці, выбухі прагучалі ў Пячэрскім і Галасееўскім раёнах сталіцы, у Пазняках. У Траешчынскім раёне Кіева ўжо каля 6 выбухаў.
«Толькі што працягнуліся ўдары па Кіеве крылатымі або балістычнымі ракетамі. Я пачуў два магутныя выбухі», – напісаў дарадца МУС Украіны Антон Герашчанка ў сваім Telegram-канале.
Ракетныя ўдары ў Запароскай вобласьці
Дзяржпамежслужба Украіны паведамляе, што нанесены ракетны ўдар па памежнай частцы «Прыморскі пасад» у Запароскай вобласці. Ёсць загінулыя і параненыя.
Ракета трапіла ў жылы будынак у Кіеве
Пасьля пачатку ракетнага абстрэлу Кіева зарарэўся жылы дом на вуліцы Кошыца. Пажар ліквідуюць супарцоўнікі МНС. Ёсьць пагроза абрушэньня.
Ад абстрэлу Кіеве параненыя як мінімум тры цывільныя
Мэр Кіева Віталь Клічко паведаміў, што паводле папярэдніх зьвестак, у выніку ракетнага абстрэлу жылога дома па вуліцы Кошыца, 7-А пацярпелі тры чалавекі, адзін з іх у цяжкім стане. Дом гарыць, існуе пагроза разбурэньня.
Мінабароны Ўкраіны назвала колькасьць загінулых за першы дзень вайны расейскіх салдат
Паводле намесьніцы міністра абароны Ганны Маляр, у першы дзень вайны загінула каля 800 жаўнераў праціўніка. У палон патрапілі каля 20.
Ганну Маляр цытуе агенцтва УНІАН. Паводле Памежнай службы Украіны, новы наступ пачаўся прыкладна ў 4.20 ранку пятніцы 25 лютага. Паведамляецца пра паветраную атаку на Кіеў і Запарожжа. Дакладная колькасьць загінулых украінскіх жаўнераў невядомая. Мінабароны Расеі інфармацыю аб сваіх стратах ва Украіне не агучвае
У Кіеве назвалі страты расейскай баявой тэхнікі
За 24 лютага ліквідаваны 7 самалётаў і 7 верталётаў расейцаў, больш за 30 танкаў, больш за 130 бронемашын расійскіх войскаў, якія ўварваліся ва Украіну, паведамляе УНІАН са спасылкай на офіс прэзыдэнта Ўкраіны.
Дзяржсакратар ЗША: «Пуцін паспрабуе захапіць Кіеў і зьвергнуць украінскі ўрад»
Аб намерах Крамля ў вайне Энтані Блінкен расказаў у інтэрвію амэрыканскаму каналу CBS New, паведамляе «Голас Амэрыкі».
Паводле Блінкена, у бліжэйшыя дні расейскія войскі паспрабуюць захапіць шэраг украінскіх гарадоў уключна з Кіевам. Вынікам гэтага, паводле прадстаўніка ўраду ЗША, павінна стаць стварэньне новага ўкраінскага ураду, ляяльнага Крамлю.
Пажар пасьля бою ў Сумах
У абласным цэнтры Сумы працягваюцца баі з расейскім войскам. У горадзе пажары.
Людзей эвакуявалі з пашкоджанага дома ў Кіеве
Каструкцыі шматпавярховага дому, у які трапілі ўламкі зьбітага самалёта, пашкоджаныя. Ратавальнікі эвакуавалі ягоных жыхароў. Як мінімум трое параненых.
Расейская вайсковая тэхніка з Сумаў накіравалася да Кіева, гэта каля 350 км
Кіраўнік Сумскай адміністрацыі Дзьмітры Жывіцкі афіцыйна паведаміў пра абыход расейскімі войскамі Сумаў уначы 25 лютага. Па словах Жывіцкага, расейцы ўзялі ў кола горад Канатоп, іх тэхніка ідзе ў кірунку Кіева. Паміж Сумамі і сталіцай Украіны каля 350 кілямэтраў.
«Тэхніка з горада Сумы выйшла ў напрамку горада Кіева, вельмі шмат тэхнікі, якая прайшла транзытам, накіроўваецца на заходні кірунак», – расказаў Дзьмітры Жывіцкі. Ён таксама зьвярнуўся да ўсіх украінцаў, якія маюць зброю, аказаць супраціўленьне расейскім войскам.
Польшча стварыла 9 пунктаў прыёму ўцекачоў ля мяжы з Украінай
У Польшчы на мяжы з Украінай створана 9 пунктаў прыёму бежанцаў, паведамляе Польскае радыё.
Прыёмныя пункты працуюць у гарадах Дарагуск, Даўгабычаў, Зосін і Грабеньне Люблінскага ваяводзятва і каля Корчава, Мэдыкі, Будамежжа і Красьценька ў Падкарпацьці. Дадатковы дзявяты пункт таксама будуецца на чыгуначнай станцыі Пшэмышль.
23 ахвяры расейскага нападу ў Харкаўскай вобласьці
Паводле папярэдняй інфармацыі, 24 лютага ў Харкаўскай вобласьці ў выніку баявых дзеяньняў загінулі 23 мірныя жыхары, у тым ліку дзеці, сотні пацярпелых былі дастаўлены ў абласныя і гарадзкія бальніцы.
Пра гэта ў эфіры тэлеканала «Рада» заявіў кіраўнік Харкаўскай аблдзяржадміністрацыі Алег Сінегубаў. Ён падкрэсьліў, што ніводны адміністрацыйны будынак, жылы дом у Харкаве не быў захоплены ворагамі.
Зяленскі стварыў стаўку вярхоўнага камандаваньня ў вайне з Расеяй
Прэзыдэнт Украіны Ўладзімір Зяленскі падпісаў указ аб утварэньні Стаўкі вярхоўнага галоўнакамандуючага.
«У сувязі са збройнай агрэсіяй Расейскай Фэдэрацыі супраць Украіны, што пагражае яе дзяржаўнай незалежнасьці і тэрытарыяльнай цэласнасьці, для забесьпячэньня стратэгічнага кіраўніцтва Узброенымі Сіламі Украіны, іншымі вайсковымі фарміраваньнямі і праваахоўнымі органамі, на падставе прапановы Рады нацыянальнай бясьпекі і абароны Украіны ад 24 лютага 2022 года «Пра Стаўку Вярхоўнага Галаўнокамандуючага», адпаведна артыкулу 8 Закону Украіны «Пра абарону Украіны» пастанаўляю: утварыць стаўку Вярхоўнага Галаўнакамандуючага», -– гаворыцца ў дакумэнце.
Ідзе бой за 80 км ад Кіева
У бок Кіева рухаюцца расейскія танкі, каля пгт Іванкоў завязаўся бой. Украінскія абаронцы падарвалі мост, каб спыніць рух акупантаў, паведамляе УНІАН са спасылкай на крыніцы ў арміі Ўкраіны. Ад Іванкава, які знаходзіцца на паўночны захад ад сталіцы Ўкраіны, да Кіева 80 кілямэтраў.
СМІ паведамілі пра Выбухі ў Роўным
Раніцай у пятніцу, 25 лютага, у горадзе Роўна прагрымелі два выбухі, перадае УНІАН. Меркавана выбухі адбыліся ў раёне аэрапорту.
Пажар у жылым доме Кіева патушылі, 20 параненых
«У 05:37 пажар у шматкватэрным жылым доме па вуліцы Кошыца 7А ліквідаваны на плошчы 100 кв мэтраў», – паведамілі УНІАН у Дзяржаўнай службе надзвычайных сытуацый Кіева. Удалося выратаваць 20 чалавек, паранены 8 чалавек. эвакуявалі 150 чалавек.
Эўразьвяз ўзгадніў новы пакет санкцый у дачыненьні да Расеі за ўварваньне ва Ўкраіну
Пра гэта паведаміла кіраўніца Эўракамісіі Уршуля фон дэр Ляен. Паводле яе, новыя санкцыі закрануць 70% банкаўскага сэктара Расеі і асноўныя дзяржкампаніі, у тым ліку ваенную прамысловасьць.
ЭЗ таксама плянуе ўвесьці забарону на экспарт расейскай нафты, забараніць продаж самалётаў і авіяцыйнага абсталяваньня расейскім авіякампаніям. Пакет санкцый прадугледжвае таксама абмежаваньне продажу ў Расею паўправаднікоў і праграмнага забесьпячэньня.
Украіна забараніла плацяжы ў Расею і Беларусь, а таксама валютныя апэрацыі з рублямі
Нацыянальны банк Украіны забараніў плацяжы арганізацыям у Расеі і Беларусі, а таксама апэрацыі з удзелам валют абедзьвюх краін, заявіў рэгулятар у ранкам пятніцы 25 лютага, паведамляе Reuters.
Ракеты атакавалі аэрапорт у Роўна, трывога ў Львове
Аэрапорт горада Роўна трапіў пад ракетны удар каля 6.40 па украінскім часе. Роўна знаходзіцца побач з беларускай мяжой. Таксама раніцай 25 лютага паведамлілі пра паветраную трывогу ў Львове.
У Кіеве фрагменты самалёта ўпалі на двухпавярховы жылы дом
Гэта здарылася па вуліцы Садовая, паведамляе УНІАН. Пачаўся пажар, які ўдалося патушыць. Абломкі самалёта ляжаць непадалёк.
