Пра гэта 22 лютага заявіў журналістам міністар замежных спраў Казахстану Мухтар Тлеўберды.
Тлеўберды таксама назваў немагчымай адпраўку вайскоўцаў сілаў Араганізацыі дамовы аб калектыўнай бясьпецы ў Луганскую і Данецкую «народныя рэспублікі».
«Не, гэта немагчыма, бо статут АДКБ строга абмяжоўвае выкарыстаньне вайсковых і міратворчых сілаў. Яны могуць выкарыстоўвацца толькі на прасторы АДКБ», — сказаў ён.
«Гэта значыць, практычна гэта немагчыма, — удакладніў сваю думку Тлеўберды. — Для магчымай адпраўкі патрэбна, зразумела, рэзалюцыя і адпаведны мандат Рады бясьпекі ААН. Але, як вы ведаеце, у ААН ёсьць свае міратворчыя сілы і таму ў практычным пляне гэтае пытаньне не стаіць».
