Са студзеня 2020 году па травень 2021-га ахвярамі баёў, як адзначаецца ў спэцыяльным дакладзе ААН, сталі малалетнія салдаты, якія ўдзельнічаюць у іх.
У спэцдакладзе Рады бясьпекі ААН, апублікаваным 29 студзеня, гаворыцца аб лягерах і курсах падрыхтоўкі моладзі да баявых дзеяньняў супраць ураду Емэна.
Міжнародна прызнаны ўрад Емэна і рух хусітаў з 2014 года, калі хусіты занялі сталіцу Емэна горад Сану, знаходзяцца ў стане грамадзянскай вайны.
Міжнародная кааліцыя пад камандаваньнем Саудаўскай Аравіі ў 2015 годзе ўступіла ў гэты канфлікт на баку зрушанага паўстанцамі ўрада прэзыдэнта Абд-Рабу Мансура Хадзі.
Ахвярамі ўзброенага супрацьборства сталі дзясяткі тысяч чалавек. ААН называе становішча, якое склалася, адным з самых цяжкіх гуманітарных крызісаў.
Згодна з дакладам экспэртаў ААН, у некаторых летніх лягерах, школах і мячэцях паўстанцы хусіты рэкрутуюць дзяцей ва ўзросьце ад сямі гадоў для ўдзелу ў баявых дзеяньнях або выкананьня дапаможных работ.
Дзяцей прывучаюць выкрыкваць лёзунгі, сярод якіх «сьмерць Амэрыцы», «сьмерць Ізраілю», «праклён габрэям», «перамога — ісламу».