У Нямеччыне арыштавалі расейца і абвінавацілі яго ў шпіянажы

Пра гэта паведамляе «Голас Амэрыкі».

Нямецкія пракуроры арыштавалі грамадзяніна Расеі, выставіўшы яму абвінавачаньні ў шпіянажы на карысьць Масквы.

Паводле іх вэрсіі, ён перадаваў расейскай выведцы зьвесткі пра аэракасьмічныя тэхналёгіі, у прыватнасьці пра ракету-носьбіт Ariane.

ГЛЯДЗІЦЕ ТАКСАМА:

У Бэрліне адкрыта расьсьледаваньне магчымай атакі гукавай зброяй на дыпляматаў ЗША

Пракуроры заявілі, што падазраваны, ідэнтыфікаваны толькі як Ільхур Н., працаваў навуковым супрацоўнікам у баварскім унівэрсытэце да яго арышту 18 чэрвеня летась.

Паводле пракурораў, Служба зьнешняй выведкі Расеі ўпершыню зьвярнулася да яго не пазьней за восень 2019 году.

ГЛЯДЗІЦЕ ТАКСАМА:

Карпарацыя кілераў. Замежныя апэрацыі маскоўскіх чэкістаў

«Інтарэсы ведамства, у прыватнасьці, тычыліся розных этапаў распрацоўкі эўрапейскай ракеты-носьбіта Ariane і дасьледаваньняў абвінавачанага ў галіне інструмэнтаў», — заявілі пракуроры.

Сьцьвярджаецца, што ў абмен на рэгулярныя сустрэчы з супрацоўнікам выведкі ён атрымаў 2500 эўра.

ГЛЯДЗІЦЕ ТАКСАМА:

У Баўгарыі затрымалі чыноўнікаў за шпіянаж на карысьць Расеі

ГЛЯДЗІЦЕ ТАКСАМА:

У Сэрбіі — скандал вакол меркаванага расейскага шпіёна