ЭГУ запісаў відэа ў падтрымку палітзьняволеных студэнтаў і выпускнікоў унівэрсытэту

У Беларусі па стане на ранак 26 студзеня было 995 палітвязьняў. Сярод іх таксама людзі, якія маюць дачыненьне да Эўрапейскага гуманітарнага ўнівэрсытэту, што цяпер месьціцца ў Вільні.

За кратамі ў Беларусі ў палітычна матываваных крымінальных справах знаходзяцца студэнтка ЭГУ, праваабаронца Марфа Рабкова, студэнт унівэрсытэту, анархіст Акіхіра Гаеўскі-Ханада, студэнтка Соф’я Сапега і выпускнікі ўнівэрсытэту — журналіст і дзеяч анархісцкага руху Мікалай Дзядок і сябра БНФ, назіральнік на выбарах Уладзімер Малахоўскі.

Колькасьць палітвязьняў рэжыму Лукашэнкі расьце амаль штодня. За кратамі людзі цярпяць ад бесчалавечнага абыходжаньня, катаваньняў, беспадстаўнага пазбаўленьня элемэнтарных правоў.

ГЛЯДЗІЦЕ ТАКСАМА:

Навіны палітвязьняў: Вярхоўны суд пакінуў у сіле прысуд Міколу Дзядку; Яўгену Бароўскаму не перадалі лекаў і зьмясьцілі яго ў ШЫЗА

ГЛЯДЗІЦЕ ТАКСАМА:

10 фігурантаў, 10 крымінальных артыкулаў, да 15 гадоў турмы. Што вядома пра справу «Рэвалюцыйнага дзеяньня», якую перадалі ў суд