Такія лічбы сёньня назваў генэральны пракурор Андрэй Швед, перадае БелТА.
«Летась завершана расьсьледаваньне, накіравана ў суд асноўная маса крымінальных спраў аб злачынствах, учыненых у 2020 годзе асобамі, якія спрабавалі зьдзейсьніць дзяржаўны пераварот. Увогуле судамі разгледжана больш за 1,2 тысячы крымінальных спраў, у якіх асуджана больш за 1,6 тысячы чалавек», — сказаў Андрэй Швед.
Ён заявіў, што сытуацыя на беларускіх вуліцах цяпер спакойная, а сілавікі гатовы да спыненьня «любых фактаў экстрэмізму і тэрарызму» на фоне грамадзка-палітычных падзей, якія маюць адбыцца.
Тым часам за сьмерці пры разгонах пратэстаў і за катаваньні іхных удзельнікаў сілавікамі ніводнай справы не завялі.
Органы пракуратуры і Сьледчага камітэту не задаволілі ніводнага пазову ці скаргі на дзеяньні сілавікоў, ад якіх падчас беспадстаўна жорсткіх разгонаў пратэставых акцый у 2020 і 2021 годзе пацярпелі тысячы беларусаў.
