Падзеі 10 студзеня ў беларускай і сусьветнай гісторыі.
1569 — у Люблінскім замку пачалося паседжаньне сэйму, якое папярэднічала Люблінскай уніі.
1863 — у Лёндане пачало працаваць першае ў сьвеце мэтро.
1946 — у Лёндане пачалася першая сэсія Генэральнай асамблеі ААН.
1989 — пасьля 72-гадовага перапынку пачало працу Менскае духоўнае вучылішча — спачатку як аднагадовыя курсы псаломшчыкаў.
1991 — прэзыдэнт СССР Міхаіл Гарбачоў запатрабаваў ад Вярхоўнага Савету Літвы адмены акту аб незалежнасьці і аднаўленьня савецкай Канстытуцыі. Гэта патрабаваньне было падмацавана вайсковай сілай, што скончылася штурмам віленскага тэлецэнтру і ахвярамі сярод цывільных асобаў. Пазьней літоўскі суд асудзіў шэраг вінаватых па гэтай справе, некаторыя дагэтуль у міжнародным вышуку. Генэрала Ўладзімера Ўсхопчыка, які камандаваў віленскім гарнізонам, а пазьней быў намесьнікам міністра абароны Беларусі, Менск адмовіўся выдаць Літве.
У гэты дзень нарадзіліся
1597 — Пятро Магіла, рэлігійны дзеяч Рэчы Паспалітай.
1892 — польскі пісьменьнік Мэльхіёр Ваньковіч, які шмат рабіў дзеля пашырэньня беларускае літаратуры ў Польшчы.
1896 — Георгі Лаўроў, беларускі архітэктар.
1905 — Тацяна Бірыч, беларускі афтальмоляг, доктар мэдычных навук.
1934 — Леанід Краўчук, першы прэзыдэнт Украіны.
1966 — Яраслаў Раманчук, беларускі палітык і эканаміст.
1970 — Валер Шыла, музыка, грамадзкі дзеяч з Баранавічаў,
У памяці
1684 — Крыштаф Жыгімонт Пац, вялікі канцлер літоўскі.
1778 — Карл Лінэй, швэдзкі прыродазнавец, стваральнік адзінай сыстэмы расьліннага і жывёльнага сьвету.
1835 — Цэлястын Цеханоўскі, лекар, удзельнік паўстаньня 1863 году, грамадзянскі начальнік Горадні.
1994 — Генадзь Каханоўскі, беларускі гісторык і краязнаўца.
2004 — Алесь Усюкевіч, сакратар падпольнага Саюзу вызваленьня Беларусі, які дзейнічаў у Наваградку ў 1946-1947 г.г.
2017 — памёр рэжысэр Валеры Панамароў, у 1990-х зьняў фільм «Тутэйшыя» паводле славутага твору Янкі Купалы і «На чорных лядах» паводле апавяданьняў Васіля Быкава
