Лінкі ўнівэрсальнага доступу

Судзьдзя зь Ліды, які асудзіў Вітольда Ашурка, пайшоў на павышэньне


Горадзенскі абласны суд

Судзьдзю Максіма Філатава прызначылі працаваць у Горадзенскі абласны суд на 5 гадоў. Ён вядомы шэрагам прысудаў пратэстоўцам.

Указ аб прызначэньні і звальненьні судзьдзяў ад 31 сьнежня 2021 году падпісаў Лукашэнка.

Філатаву 41 год. Раней ён працаваў у судзе Лідзкага раёну. Ён асудзіў на 5 гадоў бярозаўскага актывіста Вітольда Ашурка, які пазьней загінуў у шклоўскай калёніі. Філатаў судзіў таксама лідзкага фэльчара Алега Краўцова ў «рэйкавай справе», адправіў пад арышт горадзенскага відэаапэратара Андрэя Фралова, пісаў раней партал Hrodna.life.

Філатаў пакараў жыхароў Лідзкага раёну штрафамі на 12420 рублёў і 94 днямі арышту.

Ён адзіны з Горадзенскай вобласьці, хто асабіста трапіў пад санкцыі Эўразьвязу.

Судзьдзя займаецца паэўрліфтынгам. У спартовай залі, дзе ён трэнуецца, яму ўлетку ў заплечнік паклалі экскрэмэнты. Па гэтым выпадку завялі крымінальную справу.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG