Лінкі ўнівэрсальнага доступу

У Нямеччыне 31 сьнежня закрыліся тры АЭС. Апошнія тры закрыюцца ў 2022-м


АЭС у Нямеччыне (архіў)

У апошні дзень 2021 Нямеччына скараціла напалову магутнасьці сваёй ядзернай энэргетыкі. З шасьці АЭС, якія дзейнічалі да новага года, прадоўжаць працаваць толькі тры. Агенцтва AFP адзначае, што Нямеччына працягвае выконваць узятыя на сябе абавязаньні — паступова адмовіцца ад ядзернай энэргетыкі.

Такое рашэньне было прынята больш за дзесяць гадоў таму, пасьля буйной аварыі на японскай АЭС «Фукусіма» 11 сакавіка 2011 года. У выніку землятрусу і цунамі выйшлі са строю чатыры рэактары.

31 сьнежня 2021 года ў Нямеччыне спынілі працу АЭС у Брокдорфе (зямля Шлэзьвіг-Гальштэйн, поўнач ФРГ), у Грондзе (Ніжняя Саксонія, цэнтар краіны) і Гундрэмінгэне (Баварыя, на поўдні ФРГ). Агульная магутнасьць адключаных энэргаблёкаў — 4 ГВт/ч. Па аб’ёме гэта адпавядае выпрацоўцы тысячы ветраных электрастанцый. Да аварыі на АЭС у Японіі Нямеччына вырабляла каля чвэрці сваёй электраэнергіі з ядзернага паліва. Гэта прыкладна такая ж доля, як і ЗША.

На канец 2022 года заплянаваны вывад з эксплуатацыі апошніх трох нямецкіх АЭС.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG