Дзьмітрый расказаў dev.by, што да яго дадому прыйшлі ў 9.30 10 сьнежня «чалавек 8 з пісталетамі і шчытамі». Яму паведамілі, што на яго «паступіла заява».
Паводле Досава, падчас ператрусу ў яго нічога не знайшлі, забралі тэлефон, ноўтбук і павезьлі ў ГУБАЗіК. «Там знайшлі адзін рэпост у асабістыя паведамленьні з тэлеграм-каналу „Зеркало“. Гэта быў артыкул пра бізнэс».
У панядзелак яго праз скайп асудзілі па арт. 19.11 ч. 2 КААП (распаўсюджваньне інфармацыйнай прадукцыі, уключанай у сьпіс экстрэмісцкіх матэрыялаў).
Дзьмітры Досаў — вэнчурны інвэстар і ІТ-прадпрымальнік. У 2019 годзе быў адным з арганізатараў адборачнага конкурсу стартапаў Seedstars World у Менску.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў