Лінкі ўнівэрсальнага доступу

ЗША пакінулі авіяносец у Міжземным моры з прычыны крызісу вакол Украіны


Ілюстрацыйная выява

Вайсковае кіраўніцтва ЗША прыняло рашэньне пакінуць атамны авіяносец «Гары Трумэн» у акваторыі Міжземнага мора на фоне напружанасьці на мяжы Расеі і Ўкраіны. Пра гэта паведамілі інфармацыйныя агенцтвы AP, AFP і Reuters са спасылкай на прадстаўніка Пэнтагона.

Па словах суразмоўцы агенцтваў, авіяносец у складзе ўдарнай групы зь пяці караблёў ВМС ЗША павінен быў накіравацца на Блізкі Усход, аднак графік руху зьмянілі па распараджэньні кіраўніка Пэнтагону Лойда Остына. Такое рашэньне адлюстроўвае патрэбнасьць у забесьпячэньні «пастаяннай прысутнасьці ў Эўропе», яно неабходна, каб «запэўніць нашых саюзьнікаў і партнэраў у нашай прыхільнасьці да калектыўнай абароны», адзначыў прадстаўнік вайсковага ведамства.

Інфармацыю пацьвердзіла выданьне USNI News, якое асьвятляе дзейнасьць ВМС ЗША. Прадстаўнік Пэнтагону расказаў выданьню, што авіяносная група пакуль застанецца ў Іянічным моры паміж Грэцыяй і Італіяй, замест таго каб праз Суэцкі канал перамясьціцца ў зону дзеяньня Цэнтральнага камандаваньня ЗША на Блізкім Усходзе.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG