Пастанову аб гэтым падпісаў сам Гурбангулы Бэрдымухамэдаў. Будаўніцтва, як чакаецца, пачнецца ў студзені 2022-га і завершыцца ў жніўні 2024 году. Школа будзе на 700 месцаў.
У 2009 годзе імем дзеда Бэрдымухамэдава назвалі сярэднюю школу ў вёсцы Ызгант. Там адкрылі краязнаўчы музэй, у фае паставілі ягоны бюст. У гэтай вёсцы ён працаваў настаўнікам. У часе Другой сусьветнай вайны дзед прэзыдэнта ўвайшоў у склад стралковых войскаў, пасьля вайны вярнуўся да работы ў школе.
Новую вайсковую школу плянуюць пабудаваць на скрыжаваньні праспэктаў Сапармурата Туркмэнбашы і Атамурата Ніязава. Тут раней разьмяшчаўся жылы квартал са шматпавярховымі дамамі. Знос гэтых дамоў пачаўся ў студзені 2021 года.
Жыхарам аднаго з дамоў на праспэкце Атамурата Ніязава ўручылі ордэры на новыя кватэры ў яшчэ не пабудаваным доме ў мікрараёне Парахат-8. Як зазначае выданьне, выселеныя жыхары вымушаны па некалькі гадоў жыць у сваякоў або здымаць кватэры ў чаканьні, пакуль будуць пабудаваныя дамы, у якіх ім абяцалі новае жытло.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў