Лінкі ўнівэрсальнага доступу

У Беларусі пачалася вакцынацыя дзяцей супраць COVID-19


Ілюстрацыйнае фота

Прышчапіць дзяцей можна ва ўзросьце ад 12 гадоў.

Для вакцынацыі бацькам або законным прадстаўнікам неабходна падпісаць інфармаваную згоду на вакцынацыю, паведаміла Міністэрства здароўя.

Прышчапіцца можна не раней, чым праз 6 месяцаў пасьля перанесенай дзіцем інфэкцыі COVID-19, у адпаведнасьці з інструкцыяй па мэдычным прымяненьні імунабіялягічнага лекавага сродку, агульнай характарыстыкай лекавага прэпарата і адсутнасьцю супрацьпаказаньняў да вакцынацыі ў дзяцей.

У цяперашні час для вакцынаваньня прапануецца інактываваная вакцына супраць COVID-19 — Verо Cell кітайскай вытворчасьці.

У сярэдзіне сьнежня міністэрства паведаміла, што ў Беларусі поўную вакцынацыю прайшлі 3 мільёны 298 тысяч чалавек. Згодна з прыведзенымі лічбамі, найхутчэй вакцынацыя праходзіла ў Менску, а павольней за ўсё ў Віцебскай вобласьці.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG