Лінкі ўнівэрсальнага доступу

Арыштаваная за пост пра Лукашэнку ўдзельніца Pussy Riot абвясьціла галадоўку


Марыя Алёхіна

Расейская муніцыпальная дэпутатка Люся Штэйн і ўдзельніца гурту Pussy Riot Марыя Алёхіна абвясьцілі галадоўку ў спэцпрыёмніку, дзе яны адбываюць адміністрацыйны арышт.

Пра гэта паведаміла выданьне «Медуза» са спасылкай на ўдзельнікаў Pussy Riot. Алёхіна і Штэйн патрабуюць, каб іх памясьцілі ў адну камэру.

Марыю Алёхіну з фэмінісцкага панк-гурту Pussy Riot затрымалі 16 сьнежня на выхадзе з кватэры ў Маскве. У той дзень актывістка пасьпела напісаць у Facebook, што прычынай стаў допіс пра Лукашэнку ад 2015 году ў атачэньні сымбалеў, падобных да свастык.

17 студзеня паводле рашэньня Цьвярскога раённага суду Масквы Алёхіну арыштавалі на 15 сутак па артыкуле аб прапагандзе нацысцкай сымболікі (частка 1 артыкула 20.3 КаАП РФ).

Алёхіна была пад хатнім арыштам па так званай «санітарнай справе» (акцыі ў падтрымку апазыцыйнага палітыка Аляксея Навальнага, удзельнікаў якіх абвінавачваюць, сярод іншага, у парушэньні антыковідных абмежаваньняў).

16 сьнежня затрымалі і муніцыпальную дэпутатку Люсю Штэйн, яе таксама абвінавацілі ў дэманстраваньні нацысцкай сымболікі (гаворка ідзе пра пост за 2018 год) і 17 сьнежня асудзілі на 14 сутак адміністрацыйнага арышту.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG