Лінкі ўнівэрсальнага доступу

Нобэлеўскі ляўрэат Дзьмітры Муратаў пералічыў прэмію на дабрачыннасьць


Дзьмітры Муратаў пасьля атрыманьня Нобэлеўскай прэміі міру

Галоўны рэдактар «Новой газеты» Дзьмітры Муратаў пералічыў прэмію арганізацыям, якія дапамагаюць дзецям і дарослым зь цяжкімі захворваньнямі, а таксама арганізацыям, што падтрымліваюць журналістаў.

Паводле Дзьмітрыя Муратава, «Новая газета» правяла галасаваньне сярод «саўдзельнікаў» — тых, хто падтрымлівае выданьне ахвяраваньнямі. І гэтыя людзі падтрымалі Муратава ў ягоным рашэньні наконт разьмеркаваньня прэміі, піша Znak.com.

Агульная сума прэміі склала амаль 544 тысячы даляраў.

Муратаў пералічыў грошы дзіцячаму госьпісу «Дом с маяком», фондам «Подари жизнь» і «Круг добра», а таксама фонду дапамогі госьпісам «Вера».

Частка прэміі адправілася ў мэдычны фонд работнікаў СМІ, дзякуючы якому, у прыватнасьці, супрацоўнікам розных выданьняў дапамагаюць змагацца з такімі цяжкімі захворваньнямі, як рак.

Яшчэ частка сродкаў пайшла на стварэньне фільма аб становішчы прэсы ў Расеі, на прэміі некаторым супрацоўнікам «Новой газеты».

Расейскі журналіст Дзьмітры Муратаў і філіпінская журналістка Марыя Рэсу атрымалі Нобэлеўскую прэмію міру на цырымоніі ў Осла 10 сьнежня. Муратаў прысьвяціў прэмію сваім загінулым сябрам і калегам, у тым ліку журналістам Ганьне Паліткоўскай і Юрыю Шчыкачыхіну, а таксама тым, каго абвяшчюць «іншаземнымі агентамі, непажаданымі элемэнтамі».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG