Сьвятлана Ціханоўская і прэзыдэнт баварскага ляндтага Ільзэ Айгнэр абмеркавалі сытуацыю ў Беларусі і магчымасьці аказаньня дапамогі асобам, якіх перасьледуюць улады.
Сытуацыя ў Беларусі, значэньне міжнароднага супрацоўніцтва ў крызісныя часы і сытуацыя на мяжы Беларусі з Эўразьвязам былі сярод тэмаў яе размовы з прэзыдэнтам ляндтагу Баварыі (Нямеччына) Ільзэ Айгнэр.
Як паведаміла прэс-служба Ціханоўскай, яна «прапанавала дапамагаць рэлякантам і журналістам, адмовіцца ад бізнэс-супрацоўніцтва з кашалькамі рэжыму і запусьціць праграму рэабілітацыі для зьняволеных з палітычных матываў».