Лінкі ўнівэрсальнага доступу

Навіны палітвязьняў: Фігуранта «справы студэнтаў» Ілью Трахтэнберга пазбаўляюць спатканьняў з роднымі


Ільля Трахтэнбэрг

Сёньня ў Беларусі 887 чалавек маюць статус палітзьняволеных. Усе яны знаходзяцца ў турмах за сваю грамадзянскую пазыцыю, але нават за кратамі на іх працягваюць ціснуць сілавікі.

Бацька Ільлі Трахтэнберга на сваёй старонцы ў Facebook напісаў, што адміністрацыя папраўчай калёніі № 15 пазбавіла ягонага сына працяглага спатканьня. Прычына: хлопец пакінуў сушыцца ручнік на рагу нары.

Акрамя гэтага, раней палітвязьня ўжо пазбавілі двух кароткатэрміновых спатканьняў і не ўручылі вітаміннай перадачы, паведамляюць праваабаронцы.

Ільля Трахтэнберг — фігурант «справы студэнтаў», яго адлічылі з другога курсу матэматычнага факультэту БДУ.

16 ліпеня суд Савецкага раёну Менску прысудзіў палітвязьню 2,5 года калёніі ва ўмовах агульнага рэжыму.

Праваабарончы цэнтар «Вясна» піша, што фігурантаў палітычных крымінальных справаў пачалі пераводзіць у СІЗА-1. Апошнім часам зь СІЗА КДБ у СІЗА-1 на Валадарскага перавялі палітвязеня Эдуарда Бабарыку, анархістаў Ігара Аліневіча, Дзьмітрыя Дубоўскага, Сяргея Раманава, Дзьмітрыя Разановіча і затрыманага ў «справе аб дзяржперавароце» Дзяніса Краўчука.

З чым зьвязана прычына пераводу, невядома.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG