Лінкі ўнівэрсальнага доступу

Журналістка Ірына Слаўнікава стала падазраванай у крымінальнай справе


Ірына Слаўнікава, архіўнае фота
Ірына Слаўнікава, архіўнае фота

Журналістка Ірына Слаўнікава стала падазраванай паводле артыкула 342 Крымінальнага кодэксу («Арганізацыя і падрыхтоўка дзеяньняў, якія груба парушаюць грамадзкі парадак, або актыўны ўдзел у іх»).

Пра гэта «Белсату» стала вядома ад сваякоў жанчыны.

Паводле заканадаўства, Ірыну Слаўнікаву могуць затрымаць на тэрмін да 10 сутак, пасьля якіх яе альбо адпусьцяць на волю, альбо выставяць абвінавачваньне і абяруць меру стрыманьня.

Ірыну Слаўнікаву разам з мужам Аляксандрам Лойкам затрымалі ў Нацыянальным аэрапорце «Менск» 30 кастрычніка, адразу пасьля вяртаньня з адпачынку ў Эгіпце.

Ім прысудзілі па 15 дзён адміністратыўнага арышту, а пасьля накінулі зьверху яшчэ столькі ж. Тэрмін гэтага арышту павінен скончыцца 28 лістапада а 12-й гадзіне.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG