Пра гэта паведамляе расейскае агенцтва РИА «Новости» са спасылкай на прадстаўніка «Узавіяцыі».
Паводле яго словаў, авіякампаніі, якія выконваюць рэйсы з тэрыторыі Ўзбэкістану ў Беларусь, павінны часова ўвесьці абмежаваньні па продажы авіяквіткоў для грамадзянаў названых краінаў.
Прадстаўнік прэсавай службы Эўракамісіі Стэфан дэ Кеерсмакер на брыфінгу ў Бруселі раней паведаміў, што ЭЗ кантактуе з шэрагам авіякампаніяў, якія, на думку ЭЗ, маглі перавозіць мігрантаў у Беларусь.
Паводле РИА «Новости» шэраг авіякампаній, у тым ліку турэцкія Turkish Airlines, ня будуць прымаць на рэйсы ў Менск грамадзянаў Іраку, Сырыі і Емэну.
- Сырыйскія Cham Wings Airlines прыпынілі палёты ў Беларусь.
- Ірацкія ўлады абвясьцілі, што ў найбліжэйшы час пачнуць на добраахвотнай аснове вяртаньне сваіх грамадзянаў зь Беларусі.
- Беларуская авіякампанія «Белавія» паведаміла, што згодна з рашэньнем уладаў Турэччыны з 12 лістапада не прымае на рэйсы з гэтай краіны ў Беларусь грамадзянаў Іраку, Сырыі, Емэну і Афганістану.
