Лінкі ўнівэрсальнага доступу

Кліматычны саміт: Мэркель заклікала вызначыць глябальную цану на выкіды вуглякіслага газу


Ангела Мэркель

Ангела Мэркель, выканаўца абавязкаў канцлера Нямеччыны, заклікала сусьветных лідэраў на канфэрэнцыі ААН аб клімаце ў Глазга да «ўсёабдымнай трансфармацыі» жыцьця і эканомікі. У сувязі з гэтым яна выступіла за вызначэньне глябальнай цаны на выкіды вуглякіслага газу (CO2).

«Пакуль што мы ня там, дзе мусім быць», — перадае Deutsche Welle яе словы, выказаныя на кліматычнай канфэрэнцыі 1 лістапада.

Паводле Мэркель, мэты ў галіне скарачэньня выкідаў, замацаваныя ў Парыскім кліматычным пагадненьні 2015 году, «у сукупнасьці не прывялі да таго, пра што мы дамовіліся ў Парыжы».

Адначасова Мэркель адзначыла посьпехі ў барацьбе са зьмяненьнем клімату, называючы «вельмі важнай» дамоўленасьць спыніць міжнароднае фінансаваньне вугальных электрастанцый з наступнага году, якую дасягнулі лідэры краін «вялікай дваццаткі» (G20) на сустрэчы ў Рыме ў мінулыя выходныя.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG