Выказваньні Ўладзімера Мацкевіча цяпер на экспэртызе дзеля «выяўленьня прыкметаў, накіраваных на распальваньне расавай, нацыянальнай, рэлігійнай альбо іншай сацыяльнай варожасьці», паведамляе тэлеграм-канал «Думаць Беларусь».
Філёзафа і мэтадоляга, грамадзкага дзеяча Ўладзімера Мацкевіча затрымалі 4 жніўня. У той жа дзень супрацоўнікі Камітэту дзяржбясьпекі правялі ў яго ператрусы паводле падазрэньня ў арганізацыі або ўдзеле ў дзеяньнях, якія парушылі грамадзкі парадак (артыкул 342 КК).
Цяпер выглядае, што кола абвінавачаньняў зьбіраюцца пашырыць за кошт пошуку «абразьлівых выказваньняў», альбо ўвогуле перакваліфікаваць справу.
Праваабарончая супольнасьць прызнала Ўладзімера Мацкевіча палітычным зьняволеным.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў