Лінкі ўнівэрсальнага доступу

У Кіеве з 1 лістапада ўводзяць карантынныя абмежаваньні. Галоўнае — вакцынацыя


Віталь Клічко
Віталь Клічко

Сталіца Ўкраіны абвешчана «чырвонай зонай» з прычыны высокага распаўсюду хваробы.

У Кіеве з 1 лістапада ўвядуць чырвоную зону карантыну з прычыны распаўсюду каранавірусу. Пра гэта паведаміў мэр Віталь Клічко. Абвяшчэньне Кіева чырвонай зонай яшчэ павінна зацьвердзіць спэцыяльная камісія, але Клічко ўжо абвясьціў пра строгія абмежаваньні з панядзелка.

«Рашэньне аб уключэньні гораду ці рэгіёну ў чырвоную зону ўхваляе Дзяржаўная камісія ў пытаньнях тэхнагенна-экалягічнай бясьпекі і надзвычайных сытуацый, і мы зьвяртаемся да ўраду па такое рашэньне», — заявіў Віталь Клічко 28 кастрычніка на тэрміновым брыфінгу.

Паводле яго слоў, наведваць рэстараны, кавярні, забаўляльныя мерапрыемствы, гандлёва-забаўляльныя цэнтры і іншыя публічныя аб’екты і мерапрыемствы будзе магчыма толькі пры наяўнасьці ва ўсіх работнікаў і наведнікаў ПЛР-тэсту або сэртыфікату аб вакцынацыі.

Карыстацца грамадзкім транспартам таксама змогуць толькі тыя, хто мае ПЛР-тэст або сэртыфікат аб вакцынацыі. Прычым правяраць іх наяўнасьць будуць не кіроўцы, а спэцгрупы міліцыянтаў — выбарачна, не на прыпынках, а проста ў транспарце.

Навучальны працэс з 1 лістапада адновіцца ў дыстанцыйным рэжыме з 1 па 11 клясы. У такім рэжыме школы будуць працаваць да паляпшэньня эпідэмічнай сытуацыі.

Садкі будуць працаваць пры ўмове 100% вакцынацыі пэрсаналу.

27 кастрычніка ў чырвоную зону ўвайшлі сумежныя зь Беларусьсю вобласьці — Чарнігаўская, Ровенская, Жытомірская і Валынская.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG