Лінкі ўнівэрсальнага доступу

Новае апытаньне кіраўнікоў беларускіх ІТ-кампаній паказала іх пэсымізм у ацэнцы бізнэс-клімату


Офіс ІТ-кампаніі, ілюстрацыйнае фота

Згодна з апытаньнем асацыяцыі Belarus IT Companies Club (BICC), за год прыкметна вырасла прысутнасьць беларускіх IT-кампаній у іншых краінах.

У дасьледаваньні, апублікаваным на сайце BICC , удзельнічалі 120 уласьнікаў і кіраўнікоў фірмаў, большасьць якіх маюць статус рэзыдэнтаў Парку высокіх тэхналёгій і арыентуюцца на экспарт паслуг.

Паводле абнародаваных вынікаў, у параўнаньні з кастрычнікам 2020 году на 11% павялічылася колькасьць кампаній, якія маюць замежныя прадстаўніцтвы, і на 9% стала больш тых, хто плянуе іх адкрыць.

Пабольшала юрыдычных асобаў, якія падтрымліваюць ідэю разьмяшчэньня часткі работнікаў у іншых краінах: 30% ужо гэта зрабілі, 22% на этапе плянаваньня.

Пры гэтым рэспандэнты спрагназавалі, што рэлякацыя або працягнецца з той жа хуткасьцю, або ўзмоцніцца (63%). Найбольш запатрабаваныя краіны для адкрыцьця дадатковага офісу — Украіна, Польшча, Літва.

Большасьць апытаных адзначаюць стабільнасьць свайго фінансавага становішча, нягледзячы на вонкавыя фактары. Хоць і ўказвалі на праблемы ў дзелавых стасунках з кліентамі, а таксама з прыёмам плацяжоў з-за мяжы. У такой сытуацыі апынуліся 44% рэспандэнтаў.

Таксама вырас узровень пэсымізму ў ацэнцы бізнэс-клімату ў Беларусі: 80% рэспандэнтаў лічаць, што ўмовы для IT-сэктару пагоршацца. Найбольшыя асьцярогі выклікае рызыка адмены льготаў для ПВТ, ад чаго рэзыдэнты ня змогуць захаваць дастатковую рэнтабэльнасьць.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG