Лінкі ўнівэрсальнага доступу

У Судане вайскоўцы затрымалі прэм’ера і некалькіх міністраў


Пратэсты ў Судане

Некалькі вуліц сталіцы дзяржавы Хартуму перакрылі пратэстоўцы.

У Судане прэм’ер-міністра Абдалу Хамдока пасадзілі пад хатні арышт, а чатырох міністраў і грамадзянскага прадстаўніка Сувэрэннай рады краіны затрымалі, паведамляе тэлеканал Al Hadath.

Паводле тэлеканалу, затрыманьні правялі людзі ў вайсковай форме без апазнавальных знакаў.

Тэлеканал Al-Jazeera удакладніў, што сярод затрыманых міністры прамысловасьці, інфармацыі, сувязі, дарадца прэм’ер-міністра, а таксама кіраўнік правінцыі Хартум і сябра пераходнай Сувэрэннай рады Судану.

Дачка міністра прамысловасьці Ібрагіма Шэйха ўдакладніла, што таго затрымалі чальцы Аб’яднаных атрадаў, сфармаваных у чэрвені на загад намесьніка кіраўніка Сувэрэннай рады.

Пратэстоўцы паляць шыны і перакрылі некалькі вуліц Хартуму.

Сувэрэнная рада ўтварылася ў 2019 годзе пасьля вайсковага перавароту, што адбыўся раніцай 11 красавіка. У выніку прэзыдэнт Судану Амар аль-Башыр, які займаў гэтую пасаду амаль 30 гадоў, быў адхілены ад улады ўзброенымі сіламі краіны пасьля хвалi народных пратэстаў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG