Лінкі ўнівэрсальнага доступу

Лаўроў заявіў, што Расея з 1 лістапада прыпыняе працу свайго прадстаўніцтва пры NATO


Кіраўнік МЗС Расеі Сяргей Лаўроў заявіў, што яго краіна з 1 лістапада прыпыняе працу пастаяннага прадстаўніцтва РФ пры NATO.

Інфармацыйнае бюро NATO ў Маскве таксама спыніць сваю дзейнасьць.

Такое рашэньне Расея прыняла ў якасьці мер у адказ пасьля рашэньня NATO аб высылцы васьмі расейскіх супрацоўнікаў і скасаваньні дзьвюх пасад у пастаянным прадстаўніцтве РФ пры альянсе ў Брусэлі з прычыны «зламысных дзеяньняў Расеі». У выніку колькасьць місіі была скарочаная з 20 да 10 чалавек.

Афіцыйны прадстаўнік NATO тады сказаў, што высланыя супрацоўнікі прадстаўніцтва былі афіцэрамі расейскай выведкі.

«Палітыка NATO ў дачыненьні да Расеі застаецца пасьлядоўнай. Мы ўзмацнілі стрымліваньне і абарону ў адказ на агрэсіўныя дзеяньні Расеі і ў той жа час застаёмся адкрытымі для канструктыўнага дыялёгу», — заявіў афіцыйны прадстаўнік NATO.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG