Лінкі ўнівэрсальнага доступу

Звольнілі спартовага чыноўніка, які меўся «навесьці парадак». Ён падпісваўся за Бабарыку


Ілюстрацыйная выява

Як паведамляе выданьне «Tribuna», з пасады кіраўніка Рэспубліканскага цэнтру алімпійскай падрыхтоўкі па лёгкай атлетыцы звольнілі Анатоля Макарэвіча. Ён працаваў на гэтай пасадзе год і запомніўся перасьледам лёгкаатлетаў, якія выказваліся супраць улады.

Менавіта пасьля прыходу Макарэвіча ў РЦАП з цэнтру звольнілі лёгкаатлетак Дар’ю Барысевіч, Вольгу Мазуронак, Сьвятлану Кудзеліч разам зь яе трэнэрам і мужам Ігарам Жаваранкам.

«Як казалі паміж сабой самі спартоўцы, Макарэвіча спэцыяльна прыслалі зь Мінспорту, каб ён наводзіў „парадак“ пасьля выбараў, і ціснуць на нязгодных было яго задачай», — піша выданьне.

Прычынай звальненьня самога Макарэвіча, як сьцьвярджае Tribuna, стаў яго подпіс за вылучэньне кандыдатам у прэзыдэнты Віктара Бабарыкі. Паводле выданьня, за подпіс у падтрымку Бабарыкі не працягнулі кантракт і з дырэктарам РЦАП па мастацкай гімнастыцы Міхаілам Еўсюком.

За той жа подпіс за Бабарыку не працягнулі кантракт са старшым трэнэрам нацыянальнай каманды па вольнай барацьбе Юрыем Жызьнеўскім.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG