Лінкі ўнівэрсальнага доступу

У Беларусі ад 9 кастрычніка ўводзіцца абавязковае нашэньне масак і захаваньне дыстанцыі ў грамадзкіх месцах


Гэтую норму ўнесьлі спэцыялісты Міністэрства аховы здароўя ў санітарныя нормы і правілы, якія датычаць прафіляктыкі грыпу і COVID-19.

Як паведаміў сёньня намесьнік міністра аховы здароўя — галоўны санітарны лекар Аляксандар Тарасенка, «з 9 кастрычніка нашы грамадзяне абавязаны насіць маскі і захоўваць дыстанцыю ў магазінах, аб’ектах грамадзкага харчаваньня, бытавога абслугоўваньня, пры наведаньні тэатраў, кінатэатраў, культурна-масавых мерапрыемстваў, стадыёнаў, прадпрыемстваў, устаноў аховы здароўя, аптэк і іншых аб’ектаў».

Гэта зьвязана з тым, што ва ўсіх рэгіёнах краіны і ў Менску назіраецца дрэнная эпідэміялягічная сытуацыя. «Унесены істотны дадатак — адказнасьць фізычных асоб (грамадзян). Выконваць правілы будзе неабходна і ў грамадзкім транспарце ўсіх відаў, улучна з таксі. У санітарных нормах і правілах таксама паказана, як павінна насіцца маска: яна павінна закрываць нос, рот і падбародак», — сказаў Тарасенка.

Кантраляваць выкананьне патрабаваньняў будзе санітарна-эпідэміялягічная служба супольна з МУС, Мінтрансам.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG