Лінкі ўнівэрсальнага доступу

Лукашэнка выпісаў мэдалі і падзякі прапагандыстам «за кансалідацыю беларускага грамадзтва»


Аляксей Дзерман, Пётра Пятроўскі, Вадзім Гігін, Аляксандра Шпакоўскі (зьлева направа), 2017 год

Аляксандр Лукашэнка падпісаў указ і распараджэньне, у адпаведнасьці зь якімі шэраг кіраўнікоў і супрацоўнікаў розных установаў ўзнагароджаныя мэдалём «За працоўныя заслугі» за «значны ўклад у рэалізацыю дзяржаўнай палітыкі, накіраванай на абарону сувэрэнітэту, забесьпячэньне стабільнасьці і бясьпекі Рэспублікі Беларусь, кансалідацыю беларускага грамадзтва».

Мэдаль «За працоўныя заслугі» далі дэкану факультэту філязофіі і сацыяльных навук Беларускага дзяржаўнага унівэрсыэту Вадзіму Гігіну, кіраўніку Аналітычнага цэнтру EcooM, член праўленьня грамадзкага аб’яднаньня «Саюз пісьменьнікаў Беларусі» Сяргею Мусіенку, дырэктару інфармацыйна-асьветніцкай установы «Актуальная канцэпцыя» Аляксандру Шпакоўскаму.

Апрача таго Лукашэнка абвясьціў падзяку старшаму навуковаму супрацоўніку аддзелу ўнутрыпалітычнага аналізу кіраваньня ўнутранай палітыкі Беларускага інстытуту стратэгічных дасьледаваньняў Аляксею Аўдоніну, палітолягу, дырэктару таварыства з абмежаванай адказнасьцю «Гарадзкі цэнтар перакладаў» Вадзіму Баравіку, навуковаму супрацоўніку дзяржаўнай навуковай установы «Інстытут філязофіі Нацыянальнай акадэміі навук Беларусі» Аляксею Дзерману.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG