Пра гэта доктар Міхаіл Елавы напісаў у сваім Фэйсбуку:
Вось так скончылася маё апошняе дзяжурства ў апэрацыйнай дзіцячай хірургіі! Падведзены вынік: 47 гадоў працы ў неадкладнай хірургіі. Зь іх 32 гады загадчыкам аддзяленьня дзіцячай хірургіі. Дзякуй калектыву абласнога дзіцячага шпіталя за добрыя словы ў мой адрас!
На пытаньне аднаго з фрэндаў пра прычыны сыходу лекар адказаў: «Не працягнулі кантракт».
Летась увосень жонку Міхаіла Елавога Натальлю пасьля «Маршу пэнсіянэраў» затрымалі супрацоўнікі міліцыі. У Фэйсбуку лекар разьмясьціў фатаграфіі свайго апошняга дзяжурства: праца ў апэрацыйнай і ўрачыстыя праводзіны ў актавай залі шпіталя.