Цяпер бізнэсоўцы змогуць займацца больш чым двума тысячамі відаў дзейнасьці замест 127. Рашэньне прынята на фоне ціску на эканоміку амэрыканскімі санкцыямі і крызісу, які ўзмацніўся з прычыны пандэміі каранавірусу.
Лібэралізацыя эканомікі на выспе пачалася ў 2010 годзе, аднак маштабны дазвол прыватнага бізнэсу быў анансаваны толькі ў лютым гэтага года. Зараз сьпіс відаў дзейнасьці, якія дазволеныя на востраве, адменены, а замест яго прыняты сьпіс з 124 відаў бізнэсу, якія забароненыя для прыватнага сэктара. Што менавіта забараняецца — не ўдакладняецца.
Да 2020 года на Кубе былі выдадзеныя больш за 600 тысяч ліцэнзій для прыватнага бізнэсу, большая частка з іх тычылася турыстычнага сэктару, — піша часопіс Time. У прыватным бізнэсе працуюць каля 13 адсоткаў насельніцтва выспы. Аднак турыстычны сэктар панёс катастрафічныя страты праз пандэмію.
У пачатку 2021 года турыстычны паток на востраў скараціўся на 95,5 адсотка, перадае канал Telesur. Пры гэтым у раёнах, усё яшчэ якія прымаюць турыстаў, адзначаецца рэзкі рост колькасьці заражэньняў каранеавірусам, паведамляе Radio Televisión Martí.
На фоне падзеньня эканомікі і пандэміі каранавірусу на востраве прайшла сэрыя самых масавых з пачатку 1990-х гадоў пратэстаў. Яны былі падушаныя ўладамі, паведамляецца пра тысячы арыштаў.
