Лінкі ўнівэрсальнага доступу

Гурт Intelligency выпусьціў кліп-казку на песьню «Беларуская малiтва»


Гурт электроннай музыкі Intelligency

Аўтары нашумелага гіта August, які атрымаў новае прачытаньне на фоне драматычных падзеяў мінулагодняга жніўня, стварылі беларускамоўны кліп.

Дзеяньне адбываецца ўначы ў сюрэалістычнай дэкарацыі на закінутым заводзе. Натхняліся музыкі беларускім лялечным тэатрам.

«Мы пераасэнсавалі ідэю традыцыйнай батлейкі. Уяўленьні людзей аб улакаваньні сьвету ўскладніліся, таму і наша батлейка выглядае па-новаму. У якасьці карцін раю мы выкарыстоўвалі працы сучаснай мастачкі Насты Рыдлеўскай, а строі і аксэсуары для галоўных герояў далі актуальныя дызайнэры», — расказалі аўтары відэа, рэжысэры прадакшну DVAcinema Маша Манакова і Дзьмітры Ляўкоўскі.

Па іх словах, здымкі праходзілі ў самую кароткую ноч у годзе. У выніку атрымалася «страшная казка пра сучасную беларускую рэальнасьць», напоўненая мэтафарамі і сімбалямі.

У кліпе зьяўляецца і самі ўдзельнікі каманды ў вобразе сучасных «Брэмэнскіх музыкаў», якія і распавядаюць гэтую казку.

«Заўсёды хацелася напісаць нетыповую для сябе кампазыцыю, ды яшчэ і на беларускай мове. Спадзяемся, слухачу спадабаецца такі некалькі асобны ад нашай творчасьці беларускі вайб. Хочацца верыць, што гэта будзе адзін з самых гучных, яркіх і цікавых рэлізаў у электроннай музыцы на беларускай мове за апошнія гады», — разьлічваюць менчукі.

Летась 19 чэрвеня гітарыст менскага электроннага гурту Intelligency Яўген Мурашка вяртаўся дадому пасьля адзначэньня абароны магістарскай дысэртацыі. У раёне плошчы Якуба Коласа яго затрымаў АМАП.

Сілавікі не патлумачылі, за што яго забіраюць, ніхто не назваўся і не паказаў дакумэнтаў. У аўтазаку яму стала кепска і ён страціў прытомнасьць пасьля выгрузкі затрыманых у міліцыі.

У прытомнасьць хлопец прыйшоў толькі ў «хуткай», якую хтосьці выклікаў. Дадому ён дабіраўся на папутках. Пасьля затрыманьня ў яго засталіся сінякі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG